IMITERERE Y’ URWEGO RW’INGABO ZIRWANIRA KU BUTAKA
Ingabo zirwanira ku butaka zigizwe n’imitwe y’imirwano n’imitwe ifasha mu mirwano. Buri mutwe w’imirwano utegurwa mu byiciro bikurikirana ku buryo bukurikira:
- Diviziyo cyangwa urwego rungana na yo;
- Brigade;
- Batayo;
- Kompanyi;
- Palatuni;
- Sekisiyo.
Imitwe yunganira mu rugamba ingabo zirwanira ku butaka:
- Diviziyo y’imbunda ziremereye
- Diviziyo y’ingabo ikoresha ibinyabiziga by’intambara .
INSHINGANO Z’INGABO ZIRWANIRA KU BUTAKA
Ingabo zirwanira ku butaka zifite inshingano zikurikira:
- Kugira ingabo ziteguye kurwana kandi zifite ubumenyi n’ubushobozi butandukanye, kugira ngo zibe ku isonga mu bikorwa byihuse byo ku rugamba haba mu kugaba ibitero ku mwanzi cyangwa kurinda ibirindiro.
- Gukorana n’izindi nzego z’umutekano mu kugarura ituze rusange no kubahiriza amategeko;
- Gutabara no kugira uruhare mu bikorwa by’ubutabazi mu gihe habaye ibiza mu gihugu cyangwa mu mahanga, hakurikijwe amategeko abigenga;
- Gutanga umusanzu mu iterambere ry’igihugu;
- Kwitabira ibikorwa byo kubungabunga amahoro ku rwego mpuzamahanga, ubutumwa bw’ubufatanye hagati y’ibihugu, n’amahugurwa.