APR KARATE YEGUKANYE IGIKOMBE MU IRUSHANWA MPUZAMAHANGA RYA KARATE
Amarushanwa mpuzamahanga ya Karate (Zanshin Karate Championship 2026), yabaye kuri uyu mugoroba kuri Petit Stade i Kigali, aho ikipe ya APR Karate yegukanye igikombe muri iri rushanwa.
Abakinnyi barenga 600 baturutse mu Rwanda, Kenya na Uganda ni bo bitabiriye aya marushanwa. Ikipe ya APR Karate yari ihagarariwe n’abakinnyi 19, yitwaye neza aho mu cyiciro cy’abakuru yatwaye imidari 8 ya zahabu, 5 ya feza n’umwe w’umuringa, mu gihe mu cyiciro cy’abatarengeje imyaka 14 yatwaye imidari 2 ya feza.
Aya marushanwa yateguwe na Zanshin Solution Sport ku bufatanye na Federasiyo ya Karate mu Rwanda (FERWAKA), ashyigikirwa n’abaterankunga barimo Kaminuza ya Kampala na Kaminuza y'Ibitaro ya Kenya.
Ni ku nshuro ya kane aya marushanwa aba. Inshuro eshatu zabanje zabereye i Huye mu Ntara y’Amajyepfo, aho Zanshin Solution Sport ifite icyicaro.